अमृतमहोत्सवी स्वातंत्र्य दिनाच्या हार्दिक शुभेच्छा
* प्रणाम तुजला *
प्रणाम तुजला कोटी कोटी हे भारतदेशा |
सोशिले किती हाल अपेष्टा अन क्लेशा |
झाले किती आक्रमणे अन् किती सत्ताधीश |
नाही झुकली मान ना झुकले कधी शीष |
किती क्रांतीवीर इथे जन्मले भारतभूसाठी |
झाले किती हुतात्मा स्वातंत्र्य मिळवण्यासाठी |
झाला देश स्वतंत्र अमानुष गुलामगिरीतून |
हाक देतो देश आज सुजाण नागरिकातून |
लढतात किती जवान, शहीद होतात जवान |
त्या त्यागाचे स्मरण ठेवू, देऊ त्यांना मान |
सत्तेचा अन् श्रेष्ठत्त्वाचा कशाला स्वाभिमान?
देश माझा महान हाच असावा अभिमान |
प्रत्येकाच्या मनामध्ये जिवंत राहूदे अस्मिता |
‘आपण सारे एकच ' हीच खरी मानवता |
भारतभूचे स्वप्न करू पूर्ण, घडवू नागरीक सुजाण |
हीच खरी देशाची सेवा ,हीच खरी शान |
जन्मलो या पवित्र भूमीवरी भाग्य माझे किती |
मेलो देशासाठी तरी हेच खरे सार्थक अंती |
वंदन अंती तुजला, माझ्या पवित्र भारतदेशा |
तुझ्यामध्ये समता, बंधुता अन् उदयाच्या आशा |
सौ. सुवर्णा प्रमोद साळवी. सातारा मोबा नं. 9588605068
No comments:
Post a Comment